19/11/2014 00:21:16

De Biasi: Bëmë lojë të mirë, i mposhtëm me tifozë

Tekniku i Kombëtares shqiptare, Gianni De Biasi e ka komentuar ndeshjen ndërmjet Shqipërisë dhe Italisë, të cilën e fituan Azzurri me rezultat 1:0

HermesNews - Trajneri italian ka mbetur i kënaqur me lojën e shfaqur nga lojtarët e tij, ndërsa e ka përshëndetur mbështetjen që e pati ekipi i tij nga tifozët e shumtë. “Ishte vërtet mbrëmje e jashtëzakonshme, spektakël i vërtetë. Të paktën në tribunë i mundëm. E realizuam një ndeshje me sukses, bëmë paraqitje të mirë", deklaroi De Biasi pas ndeshjes.

“Kemi dalë nga fusha të humbur, por jo edhe të mundur. Kishim disa probleme të vogla, por skuadra po ecën në rrugën e duhur”, vazhdoi ai.

“U munduam ta bënim lojën tonë, është dashur t’i mbyllnim rastet që i krijuam, mund të kalonim në avantazh”, vijoi ai. De Biasi shtoi se kjo ishte një skuadër që ia vlente për ta provuar në këtë ndeshje, ndërsa e gëzon fakti se Shqipëria po pëson pak gola dhe se kjo është një bazë të cilën po mundohet ta ndërtojë italiani.

Arbër Meçenovi

Dërgo me email | Stampo artikullin